Радио Лемко

Logo Radio Lemko
Kanał na YT Fanpage na FB
Grafika do audycji

Там в Ґорлицях заберают хлопців за воячків

В лемківскій поезиі ци сьпіванках барз часто гостит війна, адже до жывого допекла нашым предкам. I сьвітова війна лишыла пятно в істориі Лемків. Головны діяня східнього фронта од осени 1914 до мая 1915 рока вели ся на Лемковині, але нашы прадідове, котрых Австриякы взяли до свойой армiі пак бороли ся головні на італийскым фронті. В І сьвітову війну Бескыды стали ся простором твердых боів. Ления фронту переходила през неєдно наше село, котрого мешканці были сказаны на ласку стоячых ту війск. Деякы села будучы важныма стратегічні місцями, нераз переходили з рук до рук, так як барз знищены Ґорлиці. Завзяты боі медже Австрияками а Росиянами вели ся тiж в Ґладышові, бо Росияне хотячы вдерти ся до полудньовой Європы ішли на Будапешт и Відень. В проґрамі Маріі Вірхняньской о тім, яку долю жытелям сіл находячых ся попри лениі фронта принесли подіі тамтых двох років. З нагоды 106. річниці ґорлицкой операциі, што почала ся 2 мая 1915 рока, o війсковых діянях и ситуациі мешкаючых ту Руснакiв оповідают історик Петро Вірхнянскiй з Ґладышова.

0:00
  • история
  • корені
  • слуховиско
  • авторска
  • бесіда
  • обряды
  • церков
  • цєкавинкы
  • театр і фільм
  • репортаж/релация
  • громада
  • музика
  • одкаль сме
  • язык
  • для діти
  • особа
  • подорожнича
  • артизм
  • желаня
  • облечыня
  • рецензия
  • жартоблива