Козакы Мирослава Трохановского
Вшыткы позераме на схід, де нашы братя Украінці боронят свою вітчызну перед росийскыма війсками. Выслів свойой солідарности рішыл оддати лемківскій артиста родом з Білянкы, Мирослав Трохановскій, котрого представляли сме на нашім каналі Lemko TV, бесідували сме з ним о праці іконоґрафа. Крім писаня ікон Мирослав оддає ся тіж іншым артистичным формам – малюваню, рысуваню чи різбліню. Плянували в Ґорлицях выставу його абстракций під наголовком "Місто Нескінчене", але про війну в Украіні артиста рішыл змінити тему експозициі. Прото же Мирослав од долгых років цєкавит ся козацтвом, нашло оно в його працях особливе місце. Тепер в тім тяжкім для сьвіта часі рішыл представити козаків на своій выставі. В проґрамі Оксана Грабан-Ліхтаньска бесідує з лемківскым артистом о його творчій праці в сьвіцкім і церковнім просторі.
- Пуст
- Шмар на листу
- Заприй