Радио Лемко

Logo Radio Lemko
Kanał na YT Fanpage na FB
Grafika do audycji

Пришол час на молоде поколіня

На вечерній сцені 40. Лемківской Ватры в Ждыни мали сме нагоду послухати вельо ансамблів, котры грали під ногу фест і годны сме были ся порядні выбавити. Были там тіж Вороны, лем не тоты што крячут, а тоты, што веселят нас свойом музиком і сьпівом. Зараз по выступі побесідували сме з членами групы – Укачом Сороканичом і Андрийом Хомяком, котры оповіли нам, чом разом з дівчатами, Наталийом Бонєвич і Дарийом Кузяк, рішыли грати на забавах і весілях. Треба підкреслити, же хоц склад ансамблю єст молодий, то заєдно барз досьвідчений, артисты од дітячых років выступуют з розмаітыма лемківскыма ансамблями. В репертуарі лем што створеной забавово-весільной капели мают цілий ряд давных лемківскых сьпіванок, котры юж нам слухачам кус ся призабыли, а для молодого поколіня певно нияк не сут знаны. Проґрам, в котрім крім бесіды почуєте фалаткы концерту Ворон на дошках ждыньской ватры.

0:00
  • бесіда
  • музика
  • авторска
  • цєкавинкы
  • корені
  • громада
  • репортаж/релация
  • история
  • церков
  • одкаль сме
  • артизм
  • театр і фільм
  • особа
  • обряды
  • слуховиско
  • для діти
  • желаня
  • подорожнича
  • язык
  • облечыня
  • рецензия
  • жартоблива