Радио Лемко

Logo Radio Lemko
Kanał na YT Fanpage na FB

О нас

Лемківскы інтернетовы медиі Radio Lemko і Lemko TV створили сме в 2013 році. Іх головна ціль то презентувати Лемків, нашу історию, культуру, традициі, ремесла, язык, релігію, літературу і іншы аспекты жытя лемківской громады. Радіовы авдициі і фільмы вказуют минуле – забытий сьвіт нашых дідів і пробы сохранити культурову спадковину, гнешнє – реляциі з орґанізуваных ныні суспільно-культурных ініциятив і вказувати цєкавых люди, а тіж будуче – дискусиі на тему меншын і едукация, што помагат нам остати при своім. Нашы корені і памят сут для нас пребарз важны. Творены проґрамы не заперают ся лем на залишках минулого, але тіж представляют гнешній стан лемківского середовиска. Хцеме вказати, же лемківска культура жыє і фурт має гідні што повісти, же Лемкы не ховают ся лем в скансенах і груб етноґрафічных книгах, же СМЕ гев і ныні, а перед нами іщы ціле будуче.