Радио Лемко

Logo Radio Lemko
Kanał na YT Fanpage na FB
Grafika do audycji

Вкажме, же сме! #ялемко

Од 1 квітня 2021 рока плянуваний в Польщи Повселюдний Спис Населіня, в котрім маме можливіст задеклярувати свою народніст і язык. То нагода, штобы в шырокім державным просторі вказати ся як лемківска громада, же серед жытелів сут Лемкы, котры мают свій материньскій язык, сут тіж люде, котры по части чуют ся Лемками і годны выбрати дві народности. Треба нам знати, же спис має велькє значыня для нашой будучности, од того залежати будут нашы можливости в сфері культурных, осьвітовых чи суспільных ініциятив. По іншы рокы орґанізуваны были інформацийны акциі, котры мали усьвідомляти Лемкам іх права до декляруваня свойой народности і языка. Про епідемію подібне діяня тяжко перевести, зато треба перенести го до сьвіта онляйн. Взяли ся за тото молоды Лемкы, котры стоят о нашы справы - на потребы спису створили проєкт #ялемко. Што ся ховат під тым гаштаґом? Суспільна ініциятива люди, што мают богаты здібности і таланты, посвячают світ труд і час, штобы вказати, же Лемкы сут і мают што повісти. В проґрамі Радіо Лемко проєкт представлят єдна з ініцияторок - Югаска Сьпяк.

0:00
  • бесіда
  • история
  • музика
  • артизм
  • цєкавинкы
  • авторска
  • громада
  • театр і фільм
  • особа
  • корені
  • одкаль сме
  • подорожнича
  • язык
  • желаня
  • обряды
  • церков
  • рецензия
  • слуховиско
  • для діти
  • репортаж/релация
  • жартоблива
  • облечыня