Радио Лемко

Logo Radio Lemko
Kanał na YT Fanpage na FB
Grafika do audycji

Для діти по лемківскы!

Якы лемківскы сьпіванкы вчыли сте ся в дітиньстві? Была то може пісня о нещестливій любови? А може о тім, як молодого хлопчыска зрукували до арміі? Певно знате тоту, де Ганця пасла павы, мама купили корову, а поле ся оре і сіє. Народны сьпіванкы, котры знаме і сьпіваме сут прекрасны і мают превелику культурову вартіст, але чи сут актуальны і зрозумілы для гнешніх діти? Не одгваряме ся од традициі, але нагваряме, жебы до того дати дітям нову вартіст, дашто сьвіже, што одповідат тому, як выглядат гнешній сьвіт Лемків. Таку ціль мали авторы публикациі "Сьпіваночкы про діточкы", котры думали о розвитку наймолодшых діти на каждім рівни творіня - языковім, музичнім і плястичнім. Оксана і Бартломєй Ліхтаньскы написали тескты 10 сьпіванок по лемківскы, Малґожата і Марко Туткы скомпонували музику в розмаітых стилях, а Каміля Трохановска малюнками перенесла на папір тото, о чім діточкы почуют в сьпіванках. А то не конец, адже творці плянуют розвинути проєкт, зато запросили до спілпраці іншых артистів, котры збогатят выдуманы композициі. Думают тіж о концертах на жыво в формі музичных спектаклів, котры будут влучати діти до забавы. Просиме на проґрам, в котрім авторы оповідят о творчій праці над проєктом і своіх плянах звязаных з сесым выданьом.

0:00
  • история
  • корені
  • слуховиско
  • авторска
  • бесіда
  • обряды
  • церков
  • цєкавинкы
  • театр і фільм
  • репортаж/релация
  • громада
  • музика
  • одкаль сме
  • язык
  • для діти
  • особа
  • подорожнича
  • артизм
  • желаня
  • облечыня
  • рецензия
  • жартоблива