Радио Лемко

Logo Radio Lemko
Kanał na YT Fanpage na FB
Grafika do audycji

Дві Полянкы – єдна традиция

Мали сте нагоду почути о жытю Руснаків зо словацкой стороны в проґрамах "Дві Полянкы – єдна істория". Фома Болех зо Ждыні загостил в мешканців приграничных сел - Анны Гудаковой в Нижній Полянці і Миколая Кусайлы в Выжній Полянці. Бесідували о історичных подіях, доли і недоли, реляциях з недалекыма лемківскыма селами Ожынна, Граб ци Радоцина. Кажде місце має свою історию, быват, же ся она переплітат з сусідніма, але єст штоси, што спільне для вельох місц і не змінят тото нияка границя – то культурова спадковина. З каждой бесіды Томка зобрали сме непущаны фалаткы о традициях і звыках, котры сут або были присутны в жывоті Русинів. В третій части почуєте, як празднували свята Різдвяны і Великодны, як выглядали весільны обряды і што ся на них сьпівало. Буде тіж гідні о віруванях звязаных зо смертьом – о віщых, што виділи будуче і знали, коли підут з того сьвіта, што мож было робити при гмерлым, а што нияк ніт, як мож было помочы душы перейти на другу страну і дуже веце. Што плекало ся давно в нашых селах? А што остало до гнеска? Послухайте і переконайте ся!

0:00
  • бесіда
  • музика
  • корені
  • обряды
  • церков
  • история
  • громада
  • слуховиско
  • авторска
  • цєкавинкы
  • театр і фільм
  • репортаж/релация
  • одкаль сме
  • язык
  • для діти
  • особа
  • подорожнича
  • артизм
  • желаня
  • облечыня
  • рецензия
  • жартоблива