В чепци роджена
Коли повідаме, же дахто са вродил в чепци, зараз думаме, же має превеликє щестя. Чепец є тіж частином народного облечыня, атрибут выданой жены, што вдівали ій першыраз на весілю в часі очепин. Давал він щестя? "Коли дівчына шыла чепец, шыла тіж свою долю" – повідат Наталия Гладик, гіст нашого проґраму, думкодавец і реалізаторка проєкту "В чепци роджена", в рамах котрого одтворила частины жіночого облечыня свойой родины. Наталия досягла з лады памяти тото, што не годна была вытягнути фізичні, адже в єй родині не лишыли ся ниякы народны лахы. Єй артистична праця была причыном для того, штобы заглубити ся в історию своіх предкынь, познати іх долю і недолю, зрозуміти тягар поколіньовых травм і оддати чест тым, што были перед ньом. В проґрамі почуєте зворушаючы істориі і рефлексиі, котры дополняют тото, што можеме видіти. Бесіду перевюл Фома Болех.
- Пуст
- Шмар на листу
- Заприй