Лемківскє серце, іспаньска душа
Такы слова сами приходят до думок, кєд іде о Аґнєшку Коробчак-Сєрра, котра од веце як 20 років робит з іспаньскым языком. Стежкы Аґнєшкы вели ю през розмаіты місця, од Портуґалиі, през краіны Латиньской Гамерикы, по Іспанию. Чи мож повісти, же коли бесідуеме в іншім языку і жыєме в другій державі, то стаєме товды кус іншым чловеком? А може то люде, з котрыма перебываме, іх темперамент і отвертіст, одкрывают новы карты нашой душы? В проґрамі бесідуєме з Аґнєшком о єй двох головных занятях - вчыню і туристиці. Разом засмакуєме андалюзийского климату, перейдеме ся арабскыма уличками Ґранады і загостиме в замешканых яскынях Ґуадіксу. Дознате ся, в чім особливе єст полудне Іспаниі і што вартат гев видіти, чого треба спрібувати, тай котре не годен поминути. А кєд в пляні подорожы запишете сой Андалюзию, заохочаме, штобы дати ся Аґнєшці повести по туристичных атракциях.
- Пуст
- Шмар на листу
- Заприй