Писанкарскы варштаты в Пшемкові
Ден перед Квітном Недільом в містечку Пшемків на Нижнім Шлеску орґанізували варштаты творіня писанок. Учащали в них діти і дорослы, то повтаряна подія, од років орґанізує ю Кружок Стоваришыня Лемків в Пшемкові. Тогорічну стрічу вела Наталия Сінковска, в єй родині писанкарска традиция тримат ся од поколінь, гнеска ведуча подає ю свому сынови, тай іншым дітям з Пшемкова і околиц. Наталия пояснят процес творіня традицийной писанкы і ділит ся вказівками, як найліпше ю зробити.